Qon tahlili ertalab, och qoringa topshiriladi. Tekshiruvdan oldin og‘ir, achchiq va yog‘li ovqatlarni iste'mol qilmang, shuningdek spirtli ichimliklarni qabul qilmang.
Ba'zi gormonlar bo‘yicha tahlillar sutkalik o‘zgarishlarga ega (TTG, paratgormon), shuning uchun ular faqat soat 11:00 gacha topshiriladi.
Shuningdek, tekshiruv natijalariga ta'sir qiluvchi omillarni ham istisno qilish kerak: jismoniy zo‘riqish (yugurish, zinadan ko‘tarilish), hissiy hayajon. Shu sababli, muolajadan oldin qabulxonada 10–15 daqiqa dam olish va tinchlanish tavsiya etiladi.
Siydik va najas tahlillariga qanday tayyorgarlik ko‘rish kerak:
Tahlil topshirish uchun biomaterial yig‘ish mo‘ljallangan maxsus idishni klinikamizdan oling.
Siydikni tahlil uchun yig‘ishdan oldin gigiyenik muolajalarni bajarish zarur, aks holda natijalar noto‘g‘ri bo‘lishi mumkin.
Tahlildan bir kun oldin siydik va najas rangini o‘zgartirishi mumkin bo‘lgan sabzavot va mevalarni (lavlagi, sabzi), shuningdek temir va mis preparatlarini iste'mol qilmaslik, diuretik dori vositalarini qabul qilmaslik tavsiya etiladi.
Najas tahlilini topshir ishdan oldin surgi dorilarini qabul qilmaslik kerak.
Shuni ham hisobga olish kerakki, ayrim tahlillar uchun qo‘shimcha tayyorgarlik talab etiladi. Batafsil ma'lumot olish uchun
ariza qoldiring, koll-markazimiz siz bilan bog‘lanib, sizga maslahat beradi.